Janne i trykken

Mitt namn er Føkk. Bunny Føkk.

10 October 2008 | Kuriosa

DÅ PRESTEN VART KONTAKTA for 22 år sidan, plukka foreldra mine namnet Janne. Eg er eitt av 7.420 eksemplar av sorten. For vanleg, for keisamt, og eit-mannsnamn-i-Sverige-og-Finnland-forvirrande, er alle tankar eg har hatt kring namnet mitt. Men Janne er i det minste ikkje blant dei “ulolvege” namna på lista frå Justisdepartementet. Slik som Norgia, Kiss, Dynfjæder, Haralbos eller Fnorre. Namnet mitt set heller ikkje ein stoppar for meg i arbeidslivet. Noko som er meir enn ein kan seia om “Bunny Føkk”.

I FØRRE VEKE kunne vi nemleg høyra om bergensjenta som ville ta opp lån, gifta seg med ein framand og byta namn når ho fyller 18 år. Alt etter kva for namn som får flest stemmer på den sosiale nettplattforma Facebook. Blant alternativa var Snørrbjørg Tøffingsen, Speedy Gonzales og Bunny Føkk. Alle gode kandidatar til avslagsbunken hos hennar potensielle arbeidsgjevarar i framtida. Og skal ein følgja hovudregelen i namnelova, kan ein myndig person ikkje byta namn meir enn ein gong i tiåret.

BÅDE NAMNET og giftarmlet skal annullerast så fort som råd. Det drastiske valet på bursdgen hennar er nemleg berre meint som eit politisk spark til lovverket, som gir 18-åringar høve til å bestemma sjølve. 18-åringar er ikkje modne nok til å ta slike avgjerder, meiner ho.

BERGENSJENTA, SOM er døypt Cathrine, vart rikskjendis over natta. Ein kan seia mykje om namnevalet. Ein kan seia mykje om ungdom ved fylte 18 er modne nok til å ta slike avgjerder. I tillegg kan ein kanskje seia noko om media. For korleis vert ein 18-åring påverka av å få merksemd om eit slikt “stunt”? Med eit vidope kommentarfelt under artiklane om henne på nettet, og GuleSider som inkluderer telefonnummeret hennar, har jenta fått litt av kvart når det gjeld tilbakemeldingar. Som jenta seier til BA: “Selve er jeg ikke helt voksen, og jeg har ikke tenkt å bli det heller”. Ikkje alle ungdommelege utspel treng å skrivast inn i historia.

Hjørnespark, Bygdanytt 10.10.08

4 Comments to Mitt namn er Føkk. Bunny Føkk.

Leave a comment