Ser eg så desperat ut?

11 June 2007 | Personleg

Er det slik at det osar singel og sand når eg spradar rundt på brustein saman med Burugla?

Ein aura av ”jente som definitivt ikkje har kjæraste”.
Ein aura av ”ung jente, som er såpass desperat at ho no er villeg til å teste ut nettdating, blinddating og anna uhumsk”.
Ein aura av ”gje meg reklamekortet ditt no!”

Eg berre lurar, sidan vi vitterleg fekk utdelt eit kort som undrar på om eg har for lite spenning i livet, er over 18 år og vil teste ut tenesta deira før den offisielle opninga. Allereie ved synet av ”voksen videochat” vert eg relativt skeptisk. Vidare på nettsida les eg at dei skal opprette ein form for date-auksjon, der gutar kan by over kvarandre for å få date med ei jente. Stevnemøtet går føre seg via vevkamera – der guten på si side må sponse jenta med 50 kroner – jenta går gratis.

”Norges garantert morsomste datingtjeneste!”

Eg er spent på kor mange jenter dei får med på dette, når selskapet faktisk må lokke med ein halv hundrings for at jenter skal bruke denne tenesta. Det vert nesten som The Gathering (TG, datafestivitas for dataglade skapningar rundt påsketider), der jenter tidlegare slapp gratis inn. Dataglade med langt hår hadde berre vore representert med metal-gutar, hadde det ikkje vore for denne marknadsføringsstrategien i starten.

Takke meg til å treffe nokon i levande live. Om eg framleis er singel når eg bikkar tretti, skal eg heller vurdere det. Stripteas på nett? Spar meg.

Tagger: singel

No comments yet.

Abonner på RSS strømmer

Reklame

Bloggen og eg

Journalistikkstudent ved Deakin University nær Melbourne, der eg bur eit år f.o.m. juli 2010.

Tidlegare kulturredaktør i studentavisa Studvest i Bergen. Utdanna frå Norges Kreative Fagskole i same by. Har skriveerfaring frå ei rekkje magasin og lokalaviser på Vestlandet.

Janne i trykken

Sniknynorskifiserer kvardagen din